Addysgu, Dysgu a Datblygu a Chymorth Dysgu
Rydym yn cynnig ystod lawn o gymwysterau mewn Addysgu, Dysgu a Datblygu a Chymorth Dysgu. Mae’r cymwysterau yn cynnwys meysydd fel Aseswr a Sicrhau Ansawdd, Addysg a Hyfforddiant, Cymorth Dysgu ac Ymarferydd Sgiliau Hanfodol.
Mae’r cymwysterau yn eich galluogi i symud ymlaen i fod yn Athro, Hyfforddwr a Gwiriwr Mewnol cymwys. Mae ein dysgwyr yn cyflawni cymwysterau addysgol a gydnabyddir yn genedlaethol drwy City & Guilds ac Agored Cymru; cynigir cyrsiau yn hyblyg yn ôl anghenion dysgwyr.
Gweld yr holl gyrsiau addysg a hyfforddiant
Ein hystod o gyrsiau presennol:
Lefel 2
Asesu Unedau Seiliedig ar Gredydau - Agored Cymru
Cwrs deuddydd, i gefnogi'r dysgwr i ddeall y gofynion wrth
gyflwyno ac asesu unedau seiliedig ar gredydau. Gofynnir i ddysgwyr
gwblhau gwaith ysgrifenedig a chymryd rhan mewn trafodaethau grŵp i
ddangos tystiolaeth o gyflawniad
Hyfforddi’r Hyfforddwr - Agored Cymru
Mae'r cwrs
yn bwynt mynediad ac yn gyflwyniad i'r rhai sy'n newydd i hyfforddiant
neu'r rhai sy'n dymuno hyfforddi/cyflwyno yn y sector addysg bellach a
sgiliau. Bydd gwaith dysgwyr yn cael ei asesu trwy lyfr gwaith ac
arsylwi sesiwn micro-addysgu a gyflwynir gan gyfranogwyr y cwrs.
Lefel 3
Dyfarniad mewn Asesu Cyrhaeddiad sy'n Gysylltiedig â Galwedigaeth -
City & Guilds
Mae'r Dyfarniad ar gyfer ymarferwyr sy'n asesu gwybodaeth a/neu
sgiliau mewn maes pwnc cysylltiedig â galwedigaeth sy'n defnyddio'r
dulliau asesu canlynol: asesiadau mewn amgylcheddau efelychu, profion
sgiliau, cwestiynau llafar ac ysgrifenedig, aseiniadau, prosiectau,
astudiaethau achos a Chydnabyddiaeth o Ddysgu Blaenorol (RPL). Gall
hyn ddigwydd mewn gweithdai hyfforddi, ystafelloedd dosbarth neu
amgylcheddau dysgu eraill. Cyflwynir y cwrs dros 4 sesiwn ffurfiol a
addysgir ac yna nifer o gyfarfodydd un-i-un, casgliad portffolio o
dystiolaeth ac arsylwadau o arfer (astudio annibynnol, darllen a
pharatoi). Cyfanswm hyd y cwrs yw tua 6-8 mis.
Dyfarniad mewn Addysg a Hyfforddiant
Mae'r
Dyfarniad yn bwynt mynediad ac yn gyflwyniad i'r rhai sy'n newydd i
addysgu a hyfforddi neu'r rhai sy'n dymuno addysgu neu hyfforddi yn y
sector addysg bellach a sgiliau. Gofynnir i ddysgwyr gwblhau 3
aseiniad ysgrifenedig (yn eu hamser eu hunain) o fewn graddfeydd amser
penodedig ac fe’u hasesir drwy gynnal sesiwn micro-addysgu.
Lefel 4
Dyfarniad mewn Sicrwydd Ansawdd Mewnol Prosesau ac Arferion Asesu -
City & Guilds
Mae'r Dyfarniad Lefel 4 mewn Sicrhau Ansawdd Mewnol Prosesau ac
Arferion Asesu ar gyfer ymarferwyr sy'n sicrhau ansawdd mewnol y
broses asesu o fewn canolfan/sefydliad, trwy gynllunio sampl, monitro
a chynghori ar ymarfer aseswyr. Cyflwynir y cwrs dros 4 sesiwn
ffurfiol a addysgir ac yna nifer o gyfarfodydd un-i-un, crynhoad o
bortffolio o dystiolaeth ac arsylwadau o arfer (astudio annibynnol,
darllen a pharatoi). Cyfanswm hyd y cwrs yw tua 6-8 mis.
Gallwch ddewis dilyn unrhyw un o'r cyrsiau yn Gymraeg, Saesneg neu'n ddwyieithog. Rhaid i bob dysgwr fynychu o leiaf 80% o'r cwrs i gyflawni'r cymhwyster. Gofynnir i ddysgwyr gwblhau aseiniadau ysgrifenedig a byddant yn cael eu hasesu ar o leiaf 3 arsylwad graddedig yn eu rôl addysgu.
Cyrsiau Addysgu a Dysgu - Mewn Partneriaeth
Mae ein hadran Addysgu a Dysgu hefyd yn galluogi mynediad i ystod eang o gymwysterau sy'n galluogi sefydliadau partner i ddatblygu'n sefydliadau dysgu. Rydym yn cynnig mynediad am bris gostyngol i bartneriaid i'r adran ddysgu hon, gyda chyngor a chymorth i chwilio am y cwrs cywir ar gyfer anghenion penodol. Siaradwch gyda ni am ragor o wybodaeth.