Canllawiau i ddysgwyr ar ddefnyddio cyfeiriad e-bost AOC

YouEfallai eich bod wedi meddwl pam y gwnaethom roi cyfeiriad e-bost AOC i chi pan wnaethoch gofrestru. Mae yna lawer o resymau gwahanol dros hyn - diogelwch, GDPR, cymorth, adfer cyfrinair, cofrestru i ddosbarthiadau Teams ac ati.

Mae yna risg gynyddol o ymosodiadau seiber ar fusnesau, ac nid yw colegau'n wahanol. Mae’r gofyn i chi ddefnyddio cyfeiriad e-bost AOC yn rhan o'n dull o gadw chi, a'ch gwybodaeth, yn ddiogel rhag y rhai sydd hwyrach yn ceisio dwyn gwybodaeth.

Pam y dylech ddefnyddio e-bost eich coleg ar gyfer dysgu ar-lein

Mae defnyddio cyfeiriad e-bost swyddogol eich sefydliad (e.e., 123456@adultlearning.wales) yn lle cyfeiriad e-bost personol (fel Gmail neu Outlook) yn helpu i wneud eich dysgu'n llyfnach, yn ddiogelach, ac i chi dderbyn mwy o gefnogaeth.

1. Mynediad sicrach a diogel
   • Mae eich e-bost coleg wedi'i ddiogelu a'i reoli gan y tîm TG.
   • Mae'n helpu i gadw eich data personol a'ch deunyddiau dysgu yn ddiogel.
   • Rydych yn llai tebygol o gael problemau mewngofnodi neu fynediad.
2. Gwell profiad dysgu
   • Byddwch yn cael mynediad awtomatig i'ch dosbarthiadau, aseiniadau ac adnoddau.
   • Gall athrawon ddod o hyd i chi a chysylltu â chi yn hawdd.
   • Byddwch yn cael eich ychwanegu at y Timau (Teams) a'r grwpiau cywir heb oedi.
3. Cefnogaeth pan fydd ei hangen arnoch
   • Os ydych yn anghofio'ch cyfrinair neu'n cael trafferth mewngofnodi, gall y coleg helpu.
   • Gyda chyfeiriad e-bost personol, mae'r gefnogaeth yn gyfyngedig ac yn arafach.
4. Mae popeth yn gweithio gyda'i gilydd
   • Mae eich e-bost coleg yn cysylltu gyda Microsoft Teams, OneDrive, Outlook, ac offer eraill.
   • Gallwch gyflwyno aseiniadau, ymuno gyda chyfarfodydd, a chydweithio'n hawdd.
5. Mae'n helpu i'ch cadw'n drefnus
   • Mae eich holl negeseuon dysgu, ffeiliau a diweddariadau mewn un lle.
   • Ni fyddwch yn colli cyhoeddiadau na therfynau amser pwysig.

Awgrym: Gwiriwch eich e-bost coleg yn rheolaidd fel nad ydych yn colli unrhyw beth pwysig!