Mae’r cwrs hwn yn cynnig tri llwybr, gan alluogi dysgwyr i ddewis yr opsiwn sydd fwyaf perthnasol i’w gwaith: Arlwyo, Gweithgynhyrchu neu Adwerthu. Bydd cynnwys y cwrs yn amrywio yn dibynnu ar y llwybr a ddewisir.

Arlwyo

Mae’r llwybr Arlwyo yn ymdrin ag egwyddorion diogelwch a hylendid bwyd mewn amgylcheddau arlwyo. Bydd dysgwyr yn datblygu dealltwriaeth o beryglon diogelwch bwyd, halogi a chroes-halogi, hylendid personol, trin a storio bwyd yn ddiogel, rheoli tymheredd, glanhau a diheintio, a’r cyfrifoldebau sy’n gysylltiedig â chynnal arferion diogel a hylan wrth baratoi a gweini bwyd.

Gweithgynhyrchu

Mae’r llwybr Gweithgynhyrchu yn ymdrin ag egwyddorion diogelwch a hylendid bwyd mewn amgylcheddau gweithgynhyrchu bwyd. Bydd dysgwyr yn datblygu dealltwriaeth o beryglon diogelwch bwyd, halogi a chroes-halogi, hylendid personol, trin a storio bwyd yn ddiogel, rheoli tymheredd, glanhau a diheintio, a phwysigrwydd cynnal arferion diogel a hylan drwy gydol prosesau cynhyrchu a gweithgynhyrchu bwyd.

Adwerthu

Mae’r llwybr Adwerthu yn ymdrin ag egwyddorion diogelwch a hylendid bwyd mewn amgylcheddau adwerthu bwyd. Bydd dysgwyr yn datblygu dealltwriaeth o beryglon diogelwch bwyd, halogi a chroes-halogi, hylendid personol, trin, storio ac arddangos bwyd yn ddiogel, rheoli tymheredd, glanhau a diheintio, a’r cyfrifoldebau sy’n gysylltiedig â chynnal diogelwch bwyd drwy gydol gweithrediadau adwerthu.

Rhaid i ddysgwyr fod wedi cofrestru gyda rhaglen gyfredol Cyswllt Ffermio, gallu cael mynediad at yr Hwb Sgiliau drwy Fewngofnodi i RPW Ar-lein, a bod wedi cwblhau eu Cynllun Datblygu Personol (CDP). Nid oes angen cymhwyster diogelwch bwyd blaenorol na gwybodaeth arbenigol.

Bydd dysgwyr yn cwblhau’r cymhwyster Lefel 2 sy’n briodol i’r llwybr o’u dewis.

Arlwyo

Dyfarniad Lefel 2 mewn Diogelwch Bwyd ym maes Arlwyo

Gweithgynhyrchu

Dyfarniad Lefel 2 mewn Diogelwch Bwyd ym maes Gweithgynhyrchu

Adwerthu

Dyfarniad Lefel 2 mewn Diogelwch Bwyd ym maes Adwerthu

Efallai y bydd dysgwyr yn dymuno symud ymlaen i hyfforddiant diogelwch a hylendid bwyd ar lefel uwch, gan gynnwys cymwysterau diogelwch bwyd goruchwyliol, neu hyfforddiant arbenigol pellach sy’n berthnasol i’w rôl neu eu hamgylchedd gwaith.

Dylai dysgwyr fod yn barod i gymryd rhan lawn yn yr hyfforddiant a chwblhau unrhyw asesiad sy’n ofynnol. Bydd unrhyw ddull adnabod, offer neu ddeunyddiau cwrs penodol sydd eu hangen yn cael eu cadarnhau cyn y cwrs.