Mae’r cwrs hwn yn rhoi’r wybodaeth a’r ddealltwriaeth ymarferol sydd eu hangen ar ddysgwyr i weithio’n ddiogel ar uchder ac asesu’r risgiau sy’n gysylltiedig â gweithio ar uchder.

Bydd dysgwyr yn archwilio’r peryglon a’r risgiau sy’n gysylltiedig â gweithio ar uchder, cyfrifoldebau iechyd a diogelwch perthnasol, asesu risg a’r mesurau sydd eu hangen i atal cwympiadau a lleihau anafiadau. Bydd y cwrs hefyd yn ystyried defnyddio offer mynediad priodol yn ddiogel, dewis mesurau rheoli addas, archwilio offer cyn ei ddefnyddio a nodi sefyllfaoedd lle gall fod angen rhagofalon ychwanegol neu offer arbenigol.

Mae’r cwrs yn arbennig o berthnasol i amgylcheddau gwaith amaethyddol a gwledig lle gall gweithio ar uchder fod yn rhan o weithgareddau bob dydd.

Rhaid i ddysgwyr fod wedi cofrestru â rhaglen gyfredol Cyswllt Ffermio, gallu defnyddio’r Hwb Sgiliau drwy Mewngofnodi i RPW Ar-lein, a bod wedi cwblhau eu Cynllun Datblygu Personol (CDP).

Rhaid i ddysgwyr gwblhau’r modiwl e-ddysgu gorfodol Iechyd a Diogelwch – Rheoli Risg mewn Coedwigaeth a Ffermio cyn mynychu’r cwrs.

Nid oes angen cymhwyster na phrofiad blaenorol mewn gweithio ar uchder.

Dyfarniad Lefel 2 QA mewn Gweithio ar Uchder (RQF)

Efallai y bydd dysgwyr yn dymuno symud ymlaen i hyfforddiant pellach mewn iechyd a diogelwch, gan gynnwys Dyfarniad Lefel 2 mewn Iechyd a Diogelwch yn y Gweithle, IOSH Gweithio’n Ddiogel, IOSH Rheoli’n Ddiogel, Trin a Thrafod Pwysau (Codi a Chario), neu gyrsiau iechyd a diogelwch perthnasol eraill Cyswllt Ffermio.

Gellir dewis hyfforddiant pellach yn ôl rôl y dysgwr, ei amgylchedd gwaith a’i gyfrifoldebau iechyd a diogelwch, yn ôl yr angen.

Dylai dysgwyr wisgo dillad ac esgidiau addas ar gyfer gweithgareddau ymarferol a’r amgylchedd gwaith. Cadarnheir pa gyfarpar diogelu personol (PPE), dogfennau adnabod, offer neu ddeunyddiau cwrs penodol sydd eu hangen cyn y cwrs.