Mae’r cwrs hwn yn ymdrin â defnyddio plaladdwyr yn ddiogel gan ddefnyddio offer gwasgaru arbenigol. Gall dysgwyr ddewis rhwng dau lwybr yn dibynnu ar yr offer sy’n berthnasol i’w gwaith: PA4G – Gwasgarwyr Gronynnol neu PA4S – Gwasgarwyr Pelenni Gwlithod.

PA4G – Gwasgarwyr Gronynnol

Mae’r llwybr hwn yn ymdrin â defnyddio plaladdwyr yn ddiogel gan ddefnyddio offer gwasgaru gronynnau. Bydd dysgwyr yn datblygu gwybodaeth ymarferol am baratoi a gwirio offer, graddnodi, gweithredu a thaenu’n ddiogel, lleihau risgiau i bobl a’r amgylchedd, delio â halogiad a chwblhau gweithdrefnau’n ddiogel ar ôl defnyddio’r offer.

PA4S – Gwasgarwyr Pelenni Gwlithod

Mae’r llwybr hwn yn ymdrin â defnyddio plaladdwyr yn ddiogel gan ddefnyddio offer gwasgaru pelenni gwlithod. Bydd dysgwyr yn datblygu gwybodaeth ymarferol am baratoi a gwirio offer, graddnodi, gweithredu a thaenu pelenni gwlithod yn ddiogel, lleihau risgiau i bobl a’r amgylchedd, delio â halogiad a chwblhau gweithdrefnau’n ddiogel ar ôl defnyddio’r offer.

Rhaid i ddysgwyr fod wedi cofrestru gyda rhaglen gyfredol Cyswllt Ffermio, gallu cael mynediad at yr Hwb Sgiliau gan ddefnyddio Mewngofnodi RPW Ar-lein, a bod wedi cwblhau eu Cynllun Datblygu Personol (CDP). Rhaid i ddysgwyr fod wedi ennill Dyfarniad Lefel 2 mewn Defnyddio Plaladdwyr yn Ddiogel (PA1), neu gymhwyster cyfatebol, cyn cwblhau asesiad PA4, a rhaid iddynt gwblhau’r modiwl e-ddysgu gorfodol Diogelwch Plaladdwyr.

Bydd dysgwyr yn ennill y cymhwyster Lefel 2 sy’n briodol i’r llwybr o’u dewis.

PA4G – Gwasgarwyr Gronynnol

Dyfarniad Lefel 2 mewn Defnyddio Plaladdwyr yn Ddiogel gan Ddefnyddio Offer Gwasgaru Gronynnau (PA4G)

PA4S – Gwasgarwyr Pelenni Gwlithod

Dyfarniad Lefel 2 mewn Defnyddio Plaladdwyr yn Ddiogel gan Ddefnyddio Offer Gwasgaru Pelenni Gwlithod (PA4S)

Efallai y bydd dysgwyr yn dymuno symud ymlaen i hyfforddiant pellach ar ddefnyddio plaladdwyr, gan gynnwys dulliau ac offer arbenigol eraill ar gyfer gwasgaru plaladdwyr sy’n berthnasol i’w gwaith.

Dylai dysgwyr wisgo dillad ac esgidiau amddiffynnol addas a dod ag unrhyw gyfarpar diogelu personol (PPE) sydd ei angen ar gyfer yr hyfforddiant a’r asesiad ymarferol. Bydd unrhyw offer, dull adnabod neu ddeunyddiau cwrs penodol sydd eu hangen yn cael eu cadarnhau gan y darparwr hyfforddiant cyn y cwrs.