Mae’r cwrs hwn yn darparu hyfforddiant ar gynnal a defnyddio llif gadwyn yn ddiogel ar gyfer trawslifio pren. Gall dysgwyr ddewis rhwng llwybr hyfforddi a llwybr cymhwyster ffurfiol yn dibynnu ar eu hanghenion.

Llwybr Hyfforddi – 2 ddiwrnod – £303.00*

Mae’r llwybr hwn yn datblygu’r wybodaeth a’r sgiliau ymarferol sydd eu hangen i gynnal a gweithredu llif gadwyn yn ddiogel ar gyfer trawslifio. Bydd dysgwyr yn ymdrin â chydrannau a nodweddion diogelwch llif gadwyn, gwaith cynnal a chadw arferol, hogi’r gadwyn, cynnal y bar tywys a’r gadwyn, gwiriadau cyn defnyddio, PPE priodol, technegau cychwyn a thrin diogel, trawslifio pren, ymdrin â thensiwn a chywasgiad, ac arferion gweithio diogel.

Llwybr Cymhwyster – 3 diwrnod – £427.80*

Mae’r llwybr hwn yn ymdrin â’r wybodaeth a’r sgiliau ymarferol sydd eu hangen i gynnal a gweithredu llif gadwyn yn ddiogel ar gyfer trawslifio. Bydd dysgwyr yn ymdrin â chynnal a chadw llif gadwyn, hogi’r gadwyn, gwiriadau cyn defnyddio, PPE, cychwyn a thrin yn ddiogel, technegau trawslifio ac arferion gweithio diogel. Mae’r llwybr hwn hefyd yn cynnwys yr asesiad ychwanegol sydd ei angen i ennill y cymhwyster ffurfiol perthnasol.

*Gall costau i ddysgwyr amrywio yn dibynnu ar nifer y dysgwyr sy’n mynychu’r cwrs.

Rhaid i ddysgwyr fod wedi cofrestru gyda rhaglen gyfredol Cyswllt Ffermio, gallu cael mynediad at yr Hwb Sgiliau gan ddefnyddio Mewngofnodi RPW Ar-lein, a bod wedi cwblhau eu Cynllun Datblygu Personol (CDP). Rhaid i ddysgwyr hefyd gwblhau’r modiwl e-ddysgu gorfodol Iechyd a Diogelwch – Rheoli Risg mewn Coedwigaeth a Ffermio. Nid oes angen cymhwyster llif gadwyn blaenorol. Dylai dysgwyr ddewis y llwybr hyfforddi neu gymhwyster sydd fwyaf addas i’w hanghenion.

Llwybr Hyfforddi

Tystysgrif Hyfforddiant mewn Cynnal a Chadw Llif Gadwyn a Thrawslifio.

Llwybr Cymhwyster

City & Guilds Tystysgrif Cymhwysedd Lefel 2 mewn Cynnal Llif Gadwyn a Thrawsdorri (0039-20).

Efallai y bydd dysgwyr yn dymuno symud ymlaen i'r cwrs Cynnal a Chadw Llif Gadwyn, Trawslifio, Torri a Phrosesu Coed hyd at 380mm er mwyn datblygu eu sgiliau ymarferol a’u cymhwysedd ymhellach, gan gynnwys torri a phrosesu coed bach yn ddiogel. Gall dysgwyr hefyd symud ymlaen i hyfforddiant coedwigaeth a choedyddiaeth arall sy’n berthnasol i’w gwaith.

Dylai dysgwyr wisgo dillad addas, esgidiau diogelwch a’r PPE llif gadwyn priodol ar gyfer yr hyfforddiant ymarferol a’r asesiad. Bydd unrhyw PPE, dogfennau adnabod, offer neu ddeunyddiau cwrs penodol sydd eu hangen yn cael eu cadarnhau cyn y cwrs.