Mae’r cwrs hwn yn darparu hyfforddiant ac asesiad ar weithredu ATV eistedd arno yn ddiogel, gan gynnwys cario llwythi a defnyddio offer sy’n cael ei lusgo. Gall dysgwyr ddewis y llwybr sydd fwyaf addas i’w hanghenion.

Llwybr Tystysgrif Cymhwysedd

Mae’r llwybr hwn yn datblygu’r wybodaeth a’r sgiliau ymarferol sydd eu hangen i weithredu ATV eistedd arno yn ddiogel ac yn gymwys. Bydd dysgwyr yn ymdrin â gwiriadau cyn defnyddio, rheolyddion a nodweddion diogelwch, PPE priodol, cychwyn a stopio’n ddiogel, gyrru a symud dros wahanol dir, adnabod a rheoli peryglon, cario llwythi, defnyddio offer sy’n cael ei lusgo, a gweithdrefnau gweithredu diogel. Mae hyfforddiant ac asesu wedi’u hintegreiddio drwy gydol y cwrs.

Llwybr Cymhwyster Lefel 2

Mae’r llwybr hwn yn datblygu’r wybodaeth a’r sgiliau ymarferol sydd eu hangen i weithredu ATV eistedd arno yn ddiogel ac yn gymwys, gan gynnwys gwiriadau cyn defnyddio, rheolyddion a nodweddion diogelwch, gyrru a symud, gweithio ar dir amrywiol, ymwybyddiaeth o beryglon, cario llwythi a defnyddio offer sy’n cael ei lusgo. Bydd dysgwyr yn cwblhau’r asesiad sydd ei angen i ennill cymhwyster Lefel 2 ffurfiol sy’n dangos cymhwysedd galwedigaethol.

Dylai dysgwyr sy’n bwriadu defnyddio ATV ar gyfer gwaith contract neu waith ar ran trydydd parti wirio a oes angen cymhwyster neu ardystiad penodol ar eu cyflogwr, cleient neu yswiriwr.

Rhaid i ddysgwyr fod wedi cofrestru gyda rhaglen gyfredol Cyswllt Ffermio, gallu cael mynediad at yr Hwb Sgiliau gan ddefnyddio Mewngofnodi RPW Ar-lein, a bod wedi cwblhau eu Cynllun Datblygu Personol (CDP). Rhaid i ddysgwyr hefyd gwblhau’r modiwl e-ddysgu gorfodol Iechyd a Diogelwch – Rheoli Risg mewn Coedwigaeth a Ffermio. Nid oes angen cymhwyster ATV blaenorol. Dylai dysgwyr ddewis y llwybr Tystysgrif Cymhwysedd neu Gymhwyster Lefel 2 yn unol â’u hanghenion hyfforddi ac ardystio.

Llwybr Tystysgrif Cymhwysedd

Tystysgrif Cymhwysedd mewn Defnyddio ATV Eistedd Arno yn Ddiogel, gan gynnwys Llwythi ac Offer sy’n cael ei Lusgo.

Llwybr Cymhwyster Lefel 2

City & Guilds Tystysgrif Cymhwysedd Lefel 2 mewn Defnyddio Cerbydau Pob Tir (ATV) yn Ddiogel (0014-32).

Efallai y bydd dysgwyr yn dymuno symud ymlaen i hyfforddiant pellach ar beiriannau ac offer, gan gynnwys cyrsiau ATV eistedd arno, Tryc Codi Telesgopig ar gyfer Tir Garw, Gyrru Tractor, neu gyrsiau tractor arbenigol sy’n ymdrin â llwythwyr pen blaen, offer torri wedi’i osod ar fraich a gyrru ar lethrau. Gall dysgwyr ddewis hyfforddiant pellach sy’n berthnasol i’r peiriannau a’r gweithgareddau sydd eu hangen ar gyfer eu gwaith.

Dylai dysgwyr wisgo dillad addas, esgidiau cadarn a’r PPE priodol ar gyfer hyfforddiant ac asesiad ATV ymarferol. Bydd unrhyw PPE, dogfennau adnabod, offer neu ddeunyddiau cwrs penodol sydd eu hangen yn cael eu cadarnhau cyn y cwrs.