Trosolwg

Drwy gydol y cwrs, bydd dysgwyr yn meithrin eu sgiliau technegol wrth ddatblygu dealltwriaeth o wneud dillad a chynhyrchion.

Bydd y cwrs hefyd yn cyflwyno sgiliau allweddol mewn cyflogadwyedd a datblygu busnes, gan gynnwys costio a phrisio cynhyrchion, defnyddio technegau marchnata priodol, a chynllunio a datblygu llinell gynnyrch.

Bydd y sgiliau'n cefnogi dysgwyr i archwilio cyfleoedd menter greadigol a deall agweddau masnachol cynhyrchu tecstilau.

Mae'r cwrs yn ddelfrydol ar gyfer unigolion sy'n paratoi ar gyfer cyflogaeth, yn chwilio'n weithredol am waith, yn ystyried hunangyflogaeth, neu'n ystyried newid gyrfa i'r sector creadigol.

Cynnwys

Bydd y cwrs hwn yn helpu dysgwyr i ddatblygu'r hyder a sgiliau ymarferol mewn gweithredu peiriannau a thechnegau gwnïo â llaw.

Bydd dysgwyr yn cael profiad ymarferol o ddefnyddio peiriant gwnïo, a byddant yn adnabod ac yn gweithio gydag amrywiaeth o ffabrigau. Bydd dysgwyr hefyd yn dilyn patrymau masnachol i greu eitemau syml fel bagiau tote a dillad.

Cymhwyster

Achrededig gan Agored Cymru.

Gofynion Mynediad

Mae'r cwrs yn agored i bawb.

Cyfleoedd i Symud Ymlaen

Sgiliau Gwnïo Creadigol ar gyfer Cyflogaeth a Menter - Lefelau Canolradd ac Uwch.

Beth Sydd Ei Angen Arnaf?

Bydd y tiwtor yn rhoi rhestr o'r adnoddau sydd eu hangen ar y dysgwyr ar gyfer hyd y cwrs. Bydd dysgwyr angen detholiad o ffabrigau/'fat quarters' (gallwch ddewis eich patrwm), citiau gwnïo, pinnau, nodwyddau, cotwm, siswrn ffabrig, ac ati. Darperir Peiriannau Gwnïo.