Trosolwg

Yn y dosbarth yma byddwn yn archwilio'r defnydd o dechnegau a chyfryngau dyfrlliw i ddatblygu sgiliau mewn peintio dyfrlliw.

Cynnwys

Mae'r dosbarth hwn yn addas ar gyfer dechreuwyr neu'r rhai sydd â phrofiad blaenorol o ddefnyddio dyfrlliw. Yn ystod chwe wythnos gyntaf y cwrs, byddwn yn dysgu am ddeunyddiau ac offer addas, yn ymarfer technegau dyfrlliw, ac yn edrych ar theori lliw cyn creu tirweddau syml ar thema'r gaeaf. Ar ôl hanner tymor, bydd dysgwyr yn creu eu hymateb eu hunain i friff a ddarperir gan y tiwtor. Mae hwn yn gwrs achrededig sy'n cynnwys rhai elfennau ysgrifenedig. Byddwn hefyd yn trafod sut y gellir arddangos neu atgynhyrchu a marchnata gweithiau celf mewn mentrau bach neu brosiectau cymunedol. Bydd y technegau'n cynnwys:
golch amryliw
golch gwlyb ar sych
codi dyfrlliw gwlyb
halen
techneg brwsh sych
codi dyfrlliw sych
tasgu
golch gwlyb mewn gwlyb
sgraffito
gwrthsefyll cwyr
golch graddol
golch fflat

Cymhwyster

Achrededig gydag uned Agored Cymru.

Gofynion Mynediad

Mae'r cwrs hwn yn addas ar gyfer dechreuwyr brwd neu'r rhai sydd â rhywfaint o brofiad fyddai'n hoffi datblygu eu sgiliau ymhellach.

Cyfleoedd i Symud Ymlaen

Symud ymlaen i gyrsiau AOC eraill ar ein cynllun dilyniant Celf. Symud ymlaen i feysydd pwnc eraill gydag AOC fel cyrsiau busnes a menter. Symud ymlaen i gyrsiau mewn Addysg Bellach neu Addysg Uwch.

Beth Sydd Ei Angen Arnaf?

Set sylfaenol o ddyfrlliwiau sy'n cynnwys lliwiau cynradd mewn arlliwiau cynnes ac oer (mae padelli neu diwbiau'n iawn)
Papur dyfrlliw - mae'r rhain yn amrywio o ran ansawdd ond bydd y fersiynau rhatach yn iawn i ddechrau
Detholiad bach o frwshys gan gynnwys o leiaf un brwsh crwn ac un brwsh gwastad o faint canolig (ddim yn rhy fach)
Palet (porslen gwyn neu hen blât gwyn yn ddelfrydol)
Brethyn i sychu brwsys
Cynhwysydd dŵr
Sychwr gwallt i sychu rhwng haenau os oes angen
Tâp Washi neu dâp masgio main, nad yw'n glynu'n ormodol
Cyfryngau dyfrlliw: Hylif masgio, cyfrwng symudliwiad a chyfrwng gweadau