Mae'r Dystysgrif Lefel 3 mewn Gwaith Ieuenctid yn cynnwys 4 uned orfodol ac 1 uned ddewisol. Er mwyn cyflawni'r Dystysgrif, rhaid i'r dysgwr gwblhau'r 5 uned i gyd.


1. Ymarfer Myfyriol mewn Lleoliad Gwaith Ieuenctid
2. Ymarfer yn y Gwaith mewn Gwaith Ieuenctid
3. Gweithio gydag Ymddygiad Heriol mewn Lleoliadau Gwaith Ieuenctid
4. Gwaith Grŵp o fewn Lleoliad Gwaith Ieuenctid
5. Goruchwyliaeth mewn Lleoliad Gwaith Ieuenctid


Rhaid i ddysgwyr gwblhau ystod o dasgau a amlinellir yn y meini prawf asesu gan gynnwys: Aseiniadau ysgrifenedig / taflenni tasgau / arsylwi / gwaith grŵp a phrosiect.


Rhaid i ddysgwyr gofnodi o leiaf 65 awr o weithgareddau lleoliad


Rhaid i ddysgwyr gwblhau pob uned o fewn yr un flwyddyn academaidd ar gyfer cofrestriad.

Rhaid bod ymgeiswyr wedi cyflawni'r Dyfarniad mewn Egwyddorion Gwaith Ieuenctid Lefel 2 CYN gwneud cais am y Dystysgrif mewn Ymarfer Gwaith Ieuenctid Lefel 3. Bydd angen copi o'r Dystysgrif Dyfarniad Lefel 2 Egwyddorion Gwaith Ieuenctid.

Mae mynediad i'r cyrsiau yn amodol ar gais llwyddiannus. Gellir gofyn am hyn gan y Tîm Cymuned Ieuenctid a Gwaith Chwarae drwy ddolen ar wefan Addysg Oedolion Cymru | Adult Learning Wales.

Bydd angen i'r dysgwyr gael:
• Sgiliau llythrennedd.
• Sgiliau cyfathrebu.

Bydd angen i ddysgwyr:
• Ddehongli tasgau penodol.
• Rhoi atebion sy'n glir, yn rhesymegol ac yn ddealladwy.

Rhaid bod gennych DBS i wneud cais am y cwrs hwn. Rydym yn argymell eich bod hefyd yn cofrestru gyda'r Gwasanaeth Diweddaru. Gellir gwneud hyn o fewn 28 diwrnod i gyhoeddiad newydd gan y DBS. Am ragor o wybodaeth gweler https://www.gov.uk/dbs-update-service
Mae angen i YCPW ddilysu eich DBS/Cofnod Gwasanaeth Diweddaru. A ydych yn rhoi caniatâd i ni gael mynediad at y cofnod hwn? Ydw / Nac ydw

Gofynion Lleoli:
Cyn i'r ceisiadau gael eu cymeradwyo a dechrau'r lleoliad, mae angen dogfen Datgelu a Gwahardd (DBS) cyfredol, a rhaid cyflwyno Ffurflen Cytundeb Lleoli wedi'i llofnodi gan y goruchwyliwr/rheolwr llinell sy'n gymwys ar lefel 4 neu'n uwch.

Addysgir y Dystysgrif ar y safon gyfatebol â Chymwysterau Lefel Uwch.

Pwrpas y cymhwyster yw paratoi dysgwyr ar gyfer dysgu neu hyfforddiant pellach a/neu er mwyn datblygu gwybodaeth a sgiliau mewn gwaith ieuenctid.

Bydd cyflawni'r dystysgrif yn galluogi dysgwyr i ymgeisio am gyflogaeth fel Gweithiwr Cymorth Ieuenctid. Mae'r dynodiad hwn yn cael ei gydnabod gan y Cyd-bwyllgor Ymgynghori a Negodi (JNC) a'i gymeradwyo gan Safonau Addysg Hyfforddiant Cymru (ETS). Gall dysgwyr hefyd wneud cais am le i astudio ar gyfer Cymhwyster Gweithiwr Ieuenctid Proffesiynol Llawn yn y Brifysgol. Dyfernir cymhwyster ar ôl cwblhau Lefel 6.

Bydd angen gliniadur gyda chysylltiad rhyngrwyd. Os nad oes gennych liniadur ac mae eich cais yn llwyddo, mae Addysg Oedolion Cymru | Adult Learning Wales yn medru eich cefnogi i fedru ymuno ar y cwrs.

Byddwch yn cael llyfr gwaith clawr caled gyda thaflenni ac adnoddau ar gyfer y cwrs.

Bydd hefyd angen i chi drefnu lleoliad gwaith ieuenctid lle byddwch yn cwblhau eich 65 awr o ymarfer gwaith ieuenctid yn ystod y cwrs.